ՀՀ կառավարության և Ասիական զարգացման բանկի համաֆինանսավորմամբ, Հայաստանի տարածքային զարգացման հիմնադրամի պատվիրատվությամբ, Հայանիստի նախկին դպրոցի տարածքում այժմ կառուցվել է նորը։  Հիմնադրամի տնօրեն Սարգիս Բաղինյանի գլխավորությամբ ինժեներական խումբը հերթական այցն է կատարել դպրոցի տարածք, որտեղ շինարարի հետ քննարկվել են ավարտական փուլի վերջին շտկումները։ Դպրոցը երկհարկանի է' նկուղային հարկով։ Կառույցը երկաթբետոնյա է, միաձույլ, ինն և ավելի բալ սեյսմակայունությամբ։  1-ից 5-րդ դասարանների և նախադպրոցական տարիքի երեխաների ուսուցումը նախատեսվում է 1-ին հարկում, բարձր դասարանի աշակերտների ուսուցումը՝ 2-րդ հարկում: Շենքում կա 4 աստիճանավանդակ, 1 վերելակ:  Քիմիայի, ֆիզիկայի, աշխարհագրության, ինֆորմատիկայի դասարանները հագեցված են լինելու համակարգիչներով ու առարկաների դասավանդման գործնական պարապմունքների համար համապատասխան գույքով, ինչպես նաև ճաշարանով։