ՀՀ կառավարության և Զարգացման ֆրանսիական գործակալության համաֆինանասավորմամբ Հայաստանի տարածքային զարգացման հիմնադրամի միջոցով իրականացվող Վեդու ջրամբարի պատվարի շինաշխատանքներն ավարտական փուլում են։ Աշխատանքներին ծանոթանալու նպատակով Հայաստանի տարածքային զարգացման հիմնադրամի (ՀՏԶՀ) տնօրեն Սարգիս Բաղինյանի ուղեկցությամբ, Վեդու ջրամբարի պատվարի և օժանդակ կառուցվածքների և ոռոգնման համակարգերի շինհրապարակ էին այցելել Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին և Զարգացման ֆրանսիական գործակալության (ԶՖԳ) Հարավային Կովկասի գրասենյակի տնօրեն Դելպի Ֆաննին։ Ծանոթանալով շինաշխատանքներին` դեսպանը հույս է հայտնել, որ շուտով ինքը կտեսնի նաև ջրամբարի ավարտը։ Դեսպանը կարևորել է շինարարության տեմպերի, ինչպես նաև աշխատողների անվտանգության կանոնների պահպանումը։ ԶՖԳ Հարավային Կովկասի գրասենյակի տնօրեն Դելպի Ֆաննին էլ իր հերթին նշել է, որ բոլոր ջանքերը պետք է համատեղել, որպեսզի շուտ տեսանելի լինեն Հայաստանի գյուղատնտեսության համար կարևոր ծրագրի արդյունքները։ Տարածքային զարգացման հիմնադրամի տնօրեն Սարգիս Բաղինյանը նշեց, որ վստահ են` եթե ոչ ժամանակից շուտ, ապա ծրագիրը կավարտվի ճիշտ ժամանակին։ «Վեդու ջրամբարի շինարարությունն իրականացնող «Սահակյանշին» կազմակերպությունը ջանք չի խնայում, որպեսզի իր պարտավորություններն իրականացնի ժամանակին»,- հավաստիացրել է Սարգիս Բաղինյանը։ Առաջիկայում շինարարարական կազմակերպությունը Իրանի Իսլամական Հանրապետությունում կփորձարկի նաև ջրամբարի ջրթող փականներն ու բարեհաջող փորձարկումից հետո դրանք կտեղափոխվեն ու կտեղադրվեն խողովակների վրա։