Հայաստանի տարածքային զարգացման հիմնադրամի (ՀՏԶՀ) տնօրեն Սարգիս Բաղինյանի գլխավորությամբ հիմնադրամի ճարտարագետները հերթական աշխատանքային այցերով եղել են Արագածոտնի մարզի կառուցող ու վերանորոգվող դպրոցների շինհրապարակներում։ ՀՀ կառավարության ֆինանսավորմամբ և Հայաստանի տարածքային զարգացման հիմնադրամի պատվիրատվությամբ «300 դպրոց, 500 մանկապարտեզ» ծրագրի շրջանակում հազար աշակերտի համար նախատեսված հերթական դպրոցի շենքն արդեն կանգուն է։ Կառուցվում է Արագածոտնի մարզի Աշտարակ քաղաքի Վարդգես Պետրոսյանի անվան հիմնական դպրոցը։