Այս տարվա աշնանացանը սահմանամերձ Տեղ համայնքում կիրականացնեն բոլորովին նոր տեխնիկայով:ՀՀ կառավարության ֆինանսավորմամբ Հայաստանի տարածքային զարգացման հիմնադրամի միջոցով,սահմանամերձ Տեղ համայնքին հատկացվել է բոլորովին նոր գյուղտեխնիկա։ Համայնքի տեխնիկայի պարկը համալրվել է երկու <<Բելառուս>> տրակտորով, խոտի հակավորիչով, խոտհնձիչով, սերմնացանով , սրսկիչով, ազոտային գութանով, քարհավաք մեքենայով և հացահատիկային կոմբայնով, որոնց ընդհանուր արժեքը կազմում է 125 միլիոն դրամ։