Հայաստանի տարածքային զարգացման հիմնադրամի (ՀՏԶՀ) տնօրեն Սարգիս Բաղինյանի գլխավորությամբ շարունակվում են ինժեներական խմբերի այցերը մարզերում կառուցվող ու հիմնանորոգվող դպրոցների շինհրապարակներ։ Այս անգամ խմբերն այցել են Արագածոտնի և Արմավիրի մարզեր։ ՀՀ կառավարության  և Ասիական զարգացման բանկի համաֆինանսավորմամբ, Հայաստանի տարածքային զարգացման հիմնադրամի պատվիրատվությամբ ավարտական փուլում է գտնվում Արագածավանի թիվ 1 դպրոցի կառուցումը։ Դպրոցը կառուցվել է 432 աշակերտի  համար։ Պետության ներդրումը կազմում է ավելի քան 2 մլրդ 400 մլն դրամ։