Սիրելի՛ հայրենակից, ողջունում ենք Ձեր մուտքը՝ Հայաստանի տարածքային զարգացման հիմնադրամի պաշտոնական կայք: Ուրախ եմ տեղեկացնել, որ մեր հիմնադրամը շարունակում իրականացնել խոշոր ծրագրեր, որոնք միտված են մեր սիրելի երկրի տարածքային զարգացմանը՝ դպրոցաշինությունից մինչև տուրիզմի զարգացում, ենթակառուցվածքների արդիականցումից մինչև ճանապարհաշինություն, ջրային ռեսուրսների արդյունավետ կառավարում ու համայնքերի հզորացում: Պետք է արձանագրել, որ մեր երկրի տնտեսության ակտիվության առյուծի բաժինը կենտրոնացած է մայրաքաղաքում, ուստի Հայաստանի տարածքային զարգացման հիմնադրամի գերնպատակն է՝ նպաստել Երևանի ու մարզերի միջև զարգացման անհամաչափությունների մեղմմանը: Այսօր մեր հիմնադրամը հաջողությամբ համագործակցում է ՀՀ կառավարության, ՀՀ մարզերի, միջազգային դոնոր մի շարք կազմակերությունների, մասնավորապես՝ Շվեյցարական զարգացման եւ համագործակցության գործակալության, Միջազգային վերակառուցման եւ զարգացման բանկի, Ամերիկայի միացյալ մահանգների միջազգային զարգացման գործակալության, Ասիական զարգացման բանկի, Եվրասիական զարգացման բանկի, Ֆրանսիական զարգացման գործակալության, Գերմանական «KFW» բանկի, Վերակառուցման և զարգացման եվրոպական բանկի և շատ ու շատ այլ կազմակերպությունների հետ: Մեր գործընկերների հետ արդյունավետ համագործակցությամբ կկարողանանք նպաստել տարածքներում սոցիալական ու տնտեսական ենթակառուցվածքների, մատուցվող համայնքային ու հանրային ծառայությունների որակի, հասանելիության ու արդյունավետության բարելավմանը և զարգացմանը, ինչպես նաև տարածքներում տնտեսական ու ներդրումային ակտիվ միջավայրի ձևավորմանը:


Լիահույս եմ, որ մեր կայքում կգտնեք Ձեզ անհրաժեշտ տեղեկությունը:


ՀՏԶՀ գործադիր տնօրեն՝ Արթուր Սողոմոնյան


Հայաստանի տարածքային զարգացման հիմնադրամ (ՀՏԶՀ)


Հայաստանի տարածքային զարգացման հիմնադրամը հիմնադրվել է Սոցներդրումների հիմնադրամի վերակազմավորման հիմքի վրա` «2014-2025թթ. Հայաստանի հեռանկարային զարգացման ծրագրի» տարածաշրջանային զարգացման քաղաքականության շրջանակներում:


Սոցներդրումների հիմնադրամը 1996թ.ի վեր հսկայական գործունեություն է ծավալել համայնքային ենթակառուցվածքների վերականգնման գործում և իրականացրել է 908 ծրագիր: Երկրի բոլոր մարզերում հիմնադրամն ունի իր արգասաբեր գործունեության բազում վկայություններ` նորակառույց և վերակառուցված դպրոցներ, համայնքային կենտրոններ, խմելու և ոռոգման ջրագծեր, առողջապահական կենտրոններ և այլն, հատկապես աղետի գոտում և սահմանամերձ շրջաններում:


Հիմնադրամը հսկայական ավանդ ունի նաև դեմոկրատական ինստիտուտների ձևավորման և կայացման գործում: Համայնքների ղեկավարների մեծամասնության աշխատանքի հիմքում ընկած են հիմնադրամի ֆինանսավորմամբ կայացած վերապատրաստման դասընթացներում ստացած գիտելիքներն ու հմտությունները` ֆինանսական կառավարման, բյուջետավորման, հարկային և ունեցվածքային կառավարման ասպարեզում:


Իր 20-ամյա գործունեության ընթացքում հիմնադրամը.


Այս ամենը որպես հիմնաքար ծառայեց հիմնադրամի գործունեության շարունակականությունն ապահովելու հարցում:


ՀՀ կառավարության 2014 թվականի դեկտեմբերի 25-ի №1521-Ն որոշման համաձայն Սոցներդրումների հիմնադրամը վերանվանվեց Հայաստանի տարածքային զարգացման հիմնադրամ:  


Հայաստանի Կառավարությունը  մեծ ակնկալիքներ է կապում նրա հետագա գործունեության հետ` մեր երկրում տնտեսական և սոցիալական ենթակառուցվածքների վերականգնման և տարածքային համաչափ զարգացում ապահովելու գործում:


Ներկայումս հիմնադրամի պորտֆելում առկա են հետևյալ ծրագրերը.


2016թ. կմեկնարկեն նաև`


մանրամասն...
Նորություններ
Հայաստանի հանքային ոլորտի քաղաքականության II ծրագրի շրջանակներում ձևավորված փաստաթղթերի ներկայացում

Հայաստանի հանքային ոլորտի քաղաքականության II ծրագրի շրջանակներում մշակվել է «Շահառուների ներգրավման պլան» և  «Բնապահպանական և սոցիալական հանձնառությունների պլան»., որոնք հրապարակվել են ՀՏԶՀ-ի կայքում Հուլիսի 6ին՝ Տարածքային կառավարման և ենթակառուցվածքների նախարարության և Համաշխարհային բանկի նախաձեռնությամբ՝ բոլոր շահագրգիռ կառույցներին հնարավորություն ընձեռելով ծանոթանալ փաստաթղթերին:  «Շահառուների ներգրավման պլանի» վերաբերյալ ստացված հարցադրումներին և նկատառումներին կարող եք ծանոթանալ՝ հետևյալ հղմամբ անցնելով:

04.09.2020
ՀԱՅԱՍՏԱՆԻ ՀԱՆՔԱՅԻՆ ՈԼՈՐՏԻ ՔԱՂԱՔԱԿԱՆՈՒԹՅԱՆ II ԾՐԱԳՐԻ ՀԱՄԱՐ ՁևԱՎՈՐՎԱԾ ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐԻ ԱՌԱՋԱԴՐԱՆՔԻ ԲՆԱՊԱՀՊԱՆԱԿԱՆ ԵՎ ՍՈՑԻԱԼԱԿԱՆ ԲԱԺՆԻ ՆԱԽՆԱԿԱՆ ՏԱՐԲԵՐԱԿԻ ՆԵՐԿԱՅԱՑՈՒՄ

Ցանկանում ենք տեղեկացնել, որ Հայստանի հանքային ոլորտի քաղաքականության II ծրագրի շրջանակներում մշակվել է խորհրդատվական ծառայությունների մատուցման առաջադրանքի բնապահպանական և սոցիալական բաժնի նախնական տարբերակը, որին կարող եք ծանոթանալ՝ այս հղմամբ անցնելով: 
26.08.2020
Եվս 70 միլիոն դրամի ներդրում Խոր Վիրապի տարածքի բարեկարգման համար ՀՏԶՀ

ՏԿԵ նախարարության Տարածքային  զարգացման հիմնադրամի գործադիր տնօրեն Արթուր Սողոմոնյանը ՀՏԶՀ-ի ծրագրերի  փորձաքննության և վերլուծության խմբի ղեկավար Ռուբեն Թերզյանի ուղեկցությամբ այցելեց Խոր Վիրապ, որտեղ Համաշխարհային բանկից ստացված վարկային միջոցներով և ՀՀ կառավարության համաֆինանսավորմամբ ՀՏԶՀ-ն իրականացրել է լայնածավալ բարեկարգման աշխատանքներ: Ներդրվել է ավելի քան 97 միլիոն դրամ: Հաշվի առնելով հանգամանքը, որ տարածքի բարեկարգման համար նախատեսվում են նոր ներդրումներ, իսկ ծրագրի հաջող ավարտից հետո անհրաժեշտություն կա ապահովել բարեկարգված ենթակառուցվածքների պահպանումն ու շահագործումը՝ ՀՏԶՀ-ի ներկայացուցիչները հանդիպեցին  Արտակ Եպիսկոպոս  Տիգրանյանի և Մուշեղ եպիսկոպոս Բաբայանի հետ՝ քննարկելու հետագա ծրագրերը:

ՀՏԶՀ գործադիր տնօրեն Արթուր Սողոմոնյանը նշեց, որ տարածքի բարեկարգման աշխատանքների ավարտից հետո ստեղծված ենթակառուցվածքները անհատույց տրամադրվելու են Մայր եկեղեցուն, և դրա հետագա շահագորշումը պետք է իրականացվի հենց եկեղեցու կողմից. այս տեսանկյունից  առաջին և գլխավոր խնդիրը, որ դրվում է, զբոսաշրջիկների պատշաճ ընդունումն է:

Կողմերը վերահաստատեցին, որ Խոր Վիրապի տարածքում  պետք է բացառել ոչ էսթետիկ տաղավարների առկայությունը: Տարածքի բարեկարգման նպատակը ի սկզբանե եղել է ավելի մեծ թվով զբոսաշրջիկների ներգրավումը: Խոր Վիրապ տարեկան այցելում է շուրջ 170 000 մարդ, արդեն բարեկարգումից հետո  սպասվում է տարեկան  5 տոկոս աճ, 5 տարի անց այդ թիվը կհասնի 220 000-ի, որը ավելի է պարտավորեցնում անելու  հնարավորը, որ զբոսաշրջիկը պատմական վայրից հեռանա դրական տպավորություններով:

Խոր Վիրապի տարածքում արդեն կառուցվել են ավտոկայանատեղի, հեծանիվների կայանատեղի, 164 գծամետր հենապատ, խմելու ջրագիծ և կոյուղատարեր, տարածքն ապահովվել է գիշերային լուսավորությամբ, տեղադրվել են նստարաններ, աղբամաններ և այլն:

Առաջիկայում նախատեսվում է ևս 70 միլիոն դրամի ներդրում, որով բարեկարգվելու է Խոր Վիրապի ճեմուղուց ձախ գտնվող տարածքը, կառուցվելու են տաղավարներ, տեղադրվելու են նստարաններ, լուսավորության համակարգ, կառուցվելու է դեպի տաղավարներ տանող  ճանապարհը:

Ընդհանուր ներդրումը կազմում է շուրջ 167 միլիոն դրամ:

ՀՏԶՀ մամուլի ծառայություն

17.07.2020
200 միլիոն դրամի ներդրում` Ախթալա խոշորացված համայնքում. ՀՏԶՀ

Այսօր ՏԿԵ նախարարության` Հայաստանի տարածքային զարգացման հիմնադրամի գործադիր տնօրեն Արթուր
Սողոմոնյանը, ՀՏԶՀ –ի «Սոցիալական ներդրումների և տեղական զարգացման» ծրագրի համակարգող Գոռ
Դարբինյանի ուղեկցությամբ այցելեց Ախթալա համայնք, որտեղ իրականացվել են խոշոր ներդրումներ:
Այցի նպատակն էր` տեղում ծանոթանալ «Ախթալա խոշորացված համայնքի կոմունալ սպասարկման ոլորտի
տեխնիկական վերազինում, գյուղատնտեսության աջակցություն և տրանսպորտային համակարգի ձևավորում» ծրագրի
արդյունքներին, որի ընդհանուր արժեքը կազմում է շուրջ 200 միլիոն դրամ:
Վերը նշված ծրագրի երկրորդ բաղադրիչով` Ախթալա խոշորացված համայնքն արդեն իսկ ստացել է 101 միլիոն
դրամի գույք, այդ թվում՝ 150 աղբաման, հացահատիկային կոմբայն, միկրոավտոբուս և մեկ ինքնաթափ մեքենա, ևս
մեկ աղբատար մեքենա կստանա առաջիկա երկու շաբաթվա ընթացքում: Ընթացիկ տարում համայնքը կստանա նաև
բազմաֆունկցիոնալ էքսկավատոր, շարքացան, սրսկիչ, խոտհավաք և խոտհնձիչ:
ՀՏԶՀ Գործադիր տնօրեն Արթուր Սողոմոնյանը տեղում հանդիպեց համայնքի ղեկավարի և բնակիչների հետ. նա նախ
շնորհավորեց համայնքի ներկայացուցիչներին` համայնքի կարողությունների զարգացման առումով և հույս հայտնեց,
որ խոշորացված համայնքում հետայսու ավելի կհեշտանան գյուղատնտեսական աշխատանքներն, և կբարելավվի
համայնքային ծառայությունների որակը: Բացի այդ` համայնքը սեփական պահանջարկը բավարարելուց զատ`
հնարավորություն կունենա էականորեն ավելացնել սեփական եկամուտները:
Ախթալա համայնքի ղեկավար Արկադի Թամազյանը և համայնքի բնակիչները շնորհակալություն հայտնեցին
հյուրերին` ծրագրի հաջող իրականացման համար` նշելով, որ համայնքում ընթացող գյուղատնտեսական
աշխատանքները, շնորհիվ այս ծրագրի, կիրականացվեն առավել արդյունավետ:
Ներդրումները կատարվել են ՀՀ կառավարության, Համաշխարհային բանկի և համայնքի կողմից իրականացվող`
Սոցիալական ներդրումների և տեղական զարգացման (ՍՆՏԶ) ծրագրի երկրորդ բաղադրիչի՝ «Միջհամայնքային
սոցիալական և տնտեսական զարգացման նախաձեռնությունների աջակցություն» ծրագրի շրջանակներում, որի
ընդհանուր ղեկավարումն իրականացվում է ՀՀ տարածքային կառավարման և ենթակառուցվածների նախարարության
կողմից:
ՀՏԶՀ մամուլի ծառայություն
17.07.2020
Կապույտ վառելիքը կհասնի Մեղրիի չգազաֆիկացված թաղամասեր, ներդրվել է շուրջ 260 մլն. դրամ. ՀՏԶՀ

Ուրախ ենք տեղեկացնել, որ ՏԿԵ նախարարության Հայաստանի տարածքային զարգացման հիմնադրամը
Սյունիքի մարզում այսօր մեկնարկում է երեք խոշոր բնակավայրերի մի շարք թաղամասերի գազաֆիկացման
լայնածավալ ծրագիր:
ՀՀ կառավարության հատկացրած միջոցներով նախատեսվում է կապույտ վառելիքը հասցնել Մեղրի
միավորված համայնքի, ինչպես նաև Լեհվազ և Ագարակ բնակավայրերի այն հատվածներ, որոնք
գազաֆիկացված չեն:
Մեղրի քաղաքում կառավարության ներդրումը կազմում է շուրջ 72.5 միլիոն դրամ, Լեհվազ բնակավայրում`
շուրջ 56 միլիոն դրամ և Ագարակ բնակավայրում` 128.9 միլիոն դրամ: Ընդհանուր ներդրումը կազմում է
շուրջ 260 միլիոն դրամ:
Այսպիսով` ծրագրի հաջող ավարտից հետո բնական գազով կապահովվի շուրջ 500 տնտեսություն, ևս
1500 տնտեսության համար էլ գազաֆիկացման գործընթացն ավելի կհեշտանա: Ծրագիրը կավարտվի
2021 թվականին.
ՀՏԶՀ-ի մամուլի ծառայություն.
17.07.2020
Հայաստանի տարածքային հիմնադրամի պաշտոնական կայք Design & Development 2015